Melaka မြို့ရဲ့ နောက်ခံ သမိုင်းကြောင်းကို မသိပေမယ့် ၊ Melaka မြို့ဟာရှေးဟောင်းတိုက်တာ အဆောက်အဦးတွေနဲ့ လှပတဲ့မြို့တမြို့ဖြစ်တယ်လို့ထင်မိတယ်
။ မြို့ကို စတည်ထားတဲ့ မြို့ပြ ၊ မြို့ကွက်ပုံစံအတိုင်း လမ်းတွေနဲ့ တိုက်တာအဆောက်အဦး
နိမ့်နိမ့်လေးတွေကို စနစ်တကျထိမ်းသိမ်းထားတယ် ။ သိပ်မကျယ်တဲ့လမ်းတွေထဲမှာ ခရီးသွားဧည့်သည်တွေရဲ့
ကားတွေ ၊ ဘတ်စ်ကားတွေ ၊ ဆိုင်ကယ်တွေနဲ့ မြို့လေးဟာအသက်ဝင်နေတယ် ။ တထပ်တိုက် ၊ နှစ်ထပ်တိုက်နိမ့်နိမ့်လေးတွေ ၊ ဘုရားရှိခိုးကျောင်းတွေ ၊ လမ်းတွေ ကို စနစ်တကျ
မူလပုံစံအတိုင်း ထားထားတယ် ။
မြို့လေးရဲ့လမ်းလေးတွေဟာကျဉ်းတယ် ။ ကျန်ခဲ့တဲ့ ရာစုနှစ်တွေတုန်းက
သွားလမ်းဆက်သွယ်ရေးအတွက် အဲသလောက်ကျယ်တဲ့လမ်းလေးတွေပဲ လိုတယ်လို့ တည်ဆောက်သူများက တွက်ချက်ထားခဲ့ပုံရပါတယ်
။ ခေတ်မီဘတ်စကားတွေ ၊ မော်တာကားတွေကို လမ်းလေးက
အခုအချိန်ထိ အဲဒီ အလျားအနံ နဲ့ ဆက်လက်ပံပိုးထားနေတယ် ။ တချို့ တိုက်တာတွေဆို ပင်မ အဝင်အဝ တံခါးဝကဆင်းလိုက်တာနဲ့ လမ်းမကိုရောက်သွားတယ်
။ ပလက်ဖောင်းမရှိဘူး ။ ရန်ကုန် ၁၉ လမ်း ၊ လမ်း ၂၀ ဘက်ကတိုက်တာတွေ ၊ ၂ ထပ်တိုက်တွေကို သတိရမိတယ် ။ ဟိုးခေတ်တခါက
နေထိုင်မူပုံစံတွေကို စိတ်ကူးယဉ်ကြည့်နိုင်တယ် ။ တယ်လီဖုန်း ၊ ကြေးနန်း ၊ အင်တာနက်
၊ ဖေ့ဘွတ် တွေမပေါ်ခင်က မြို့တစ်မြို့နဲ့ တစ်မြို့ဘယ်လိုဆက်သွယ်ကြမလဲ ။ သတင်းအချက်အလက်တခုရဖို့
အတွက် အချိန်ဘယ်လောက်ကြာအောင်စောင့်ရမလဲ ။ သတင်းသယ်ယူလာမယ့်  သင်္ဘောတစင်း ကို စောင့်မျှော်နေကြမြို့ကလေး ။---
photo: icn2
No comments:
Post a Comment